Foar fjirtjin dagen foel myn each op it berjocht ‘Friese conversatieles wethouders’. Doetiids wethâlder foar kultuer fan Ljouwert Arno Brok hie him by de Afûk foar dy les opjûn: ,,Ik wil ‘en public’ Fries kunnen spreken.’‘ Doe’t er der op it stedhûs oer fertelde, wiene trije kollega’s daliks ree syn foarbyld te folgjen en sa kaam Afûk-lesjouster Martsje Miedema om ‘e fjirtjin dagen del om mei Brok, Hermien de Haan, Peter den Oudsten en Harm Brinks in oerke foar de kolleezjegearkomste in mûltsje Frysk te praten.