Poes

Wat bin ’k toch ok een sentimentele pekelhering! En dat liekt mit et oolder wodden allienig nog mar slimmer te wodden. Et is meer as droevig, mar ik bin nogal gauw van de mik.

Johan Veenstra.

Johan Veenstra. FOTO RENS HOOYENGA

Jaoren en jaoren he’k lease-poezen had. De opienvolgende poezen van de buren kwammen ok bi’j mi’j over de heerd. Dat was hatstikke genoeglik, zowel veur de poezen as veur mi’j. Zodoende komt mi’j hier sund een jaor een behendig zwat-wit kattien gezelschop holen. Dat we bin zo staorigan hielemaole an mekaander wend en kun meraokelse goed akkederen. We hebben nooit spul. Now ja, as hi’j een bloempot van de veensterbaank remaait, zeg ik wel es een peer malle woorden. En as hi’j de voegelties mit slechte bedoelings beloert, gooi ik daor een etisch gesprek tegenan. Mar veerder biwwe de beste buisies!

Nieuws

Meest gelezen