Dieredokter | column Johan Veenstra
Aj’ een poes hebben, moej’ d’r vanzels jaorliks ok mit naor de dokter veur een peer prikkies. Dat is ieder jaor weer een helse tocht. Ik zette laestdaegs et bakkien, daor as hi’j in mos, in de kaemer en legde d’r een dekentien in mit een peer kattesnupies d’r op.
Columnist LC Johan Veenstra Foto: NIELS WESTRA
Dat was gemien, mar poes trapte d’r in, want hi’j is gek op die snupies. In een ommedri’j dee ’k et deurtien d’r doe veur. Poes begreep ogenblikkelik dat hi’j in de valle lokt was. Et dee mar es weer blieken dat meensken nooit te vertrouwen weren.
